Жасанды интеллект Қазақстанның күнделікті сандық өмірінің бөлігіне айналуда. Жаңа сервистер мемлекеттік органдардың жұмысын жеделдетіп, жолаушыларға жолда көмектеседі

Қазақстан жасанды интеллектіні енгізуді жеделдетуде – технологиялар эксперименттік жобалардан мемлекет, бизнес және азаматтарға арналған нақты сервистерге ауысып жатыр.

Астанада өткен National Think Tank Forum-да 21 тамызда айтылған мәліметтерге сәйкес, бүгінде жасанды интеллект технологиялары Қазақстанның 16 мемлекеттік органында қолданылады, ал ЖИ көмегімен азаматтардың 1,2 миллионнан астам өтініші өңделген. Жасанды интеллекттің ұлттық платформасы 120-дан астам мемлекеттік деректер базасымен біріктірілген. Онда 50-ден астам AI-агент жұмыс істейді, ал жалпы елде 308 ЖИ-агент дамып келеді.

Жасанды интеллектіні одан әрі енгізу мемлекеттік органдардан жауап күту уақытын шамамен екі есеге азайтуға мүмкіндік береді деп күтілуде. ЖИ-ді дамыту жеке секторда да жүріп жатыр. Қазақстандық компаниялар адамдар күнделікті қолданатын өнімдерге өздерінің интеллектуалды шешімдерін енгізе бастады.

Осындай жобалардың бірі Kaztechnology компаниясының әзірлемесі — поезд жолаушыларына арналған Vputi.kz мультимедиялық порталының интеллектуалды көмекшісі Vputi Assistant болды.

Vputi Assistant пайдаланушыға мультимедиялық порталмен табиғи форматта өзара әрекеттесуге көмектеседі: қажетті контентті табуға, ақпарат алуға және сервис мүмкіндіктерін тезірек меңгеруге мүмкіндік береді. Жоба Kaztechnology компаниясының жасанды интеллект технологияларын дамыту және практикалық қолдану бағытының бір бөлігі болып табылады.

Осылайша, Қазақстанда ЖИ біртіндеп болашақтың технологиясы болудан қалып барады. Ол елдің сандық инфрақұрылымының – мемлекеттік сервистерден бастап, адам поездбен жүргенде тікелей пайдалана алатын шешімдерге дейінгі бөлігіне айналуда. Жасанды интеллект жақындай түсуде – енді ол адамды сапарда шынымен де сүйемелдейді.